هناك عدد كبير جدا من المدونات في العالم، ومع هذا العدد الهائل، إلا أن القليل منها ينجح، ويستمر.
بعضهم يبدأ بداية قوية ثم يقل حماسه بعد فترة ويختفي، والبعض الآخر يستسلم في بداية الطريق عندما يواجه بعض العوائق. وهناك القليل منهم فقط يستمر، وينجح ويحقق أهدافه من التدوين.
اذا كنت تنوى حقا البدء والنجاح في التدوين، فإليك هذه الخطوات والنصائح التي ستحقق لك هدفك.
1: بعد أنشاء المدونة تأكد من ضبط إعدادت المدونة بشكل صحيح 100% قبل البدء في كتابة المقالات.
2: لازم تظبط أعدادات جوجل كونسل بشكل صحيح وتعمل ملفات السايت ماب كاملة هتلاقي شروحات كتير بتمشي معاك خطوة خطوة.
3: أشترك في أدوات مشرفي مواقع بينج وضبط بردو ملفات السايت ماب بنفس طريقة جوجل كونسول.
4: عند كتابة مقال جديد لازم تتأكد من أختيار الكلمة المفتاحية بشكل صحيح ودة لينك تقدر تجيب منة كلمات مفتاحية مباشرة من جوجل
https://ads.google.com/aw/keywordplanner/home
5: أختيار كلمات مفتاحية ضعيفة في أول 10 مقالات بعد كدة متوسط وبعد كدة المنافسة الصعبة ولكن دي بتحتاج سنوات عشان تقدر تمسك فيها كلمة وتفضل موجود في المنافسة كل شهر.
6: أبداء قسم مقالاتك لعناوين فرعية قبل الكتابة وعشان تقدر تجيب عناوين فرعية بسهولة هتدخل علي جوجل تبحث عن الكلمة المفتاحية بتاعتك ولتكن مثلا ( علاج الشعر المجعد ) هتنزل تحت خالص في نهاية الصفحة هتلاقي عدة عناوين كتيرة هتختار منهم 3 ل 5 عناوين عشان تكمل بيهم مقالك علي سبيل المثال (
علاج الشعر المجعد طبيا – علاج الشعر المجعد الخشن – التخلص من الشعر المجعد – علاج الشعر المجعد للرجال – أسرع طريقة لفرد الشعر المجعد ) بكدة أنت كونت العناوين اللي هتتكلم فيها في مقالك.
7: الفقرة الأولي في المقالة ودي بتكون تحت أول عنوان فرعي داخل المقال لازم تكون أفضل وأقوي فقرة عندك وفيها الكلمة المفتاحية مكتوبة بشكل مظبوط وتكون الفقرة دي من أهم المعلومات الصريحة اللي هتتكلم عنها في مقالك بشكل توضيحي عشان دي اللي من خلالها جوجل بتفهم محتوي المقالة وبناء عليه بتقيمك في الترتيب في نتائج البحث.
8: لازم تستمر بكتابة محتوى بشكل يومي ولو مقدرتش على الأقل مقالتين بالأسبوع
9: لاتنتظر المال خلال أول 6 شهور ولا تفكر به أطلاقاً ولازم تركز في هدف واحد أن حضرتك تملك مشروع جديد ومحتاج تظبط الأساسايات الخاصة بية اللي من خلالها هتقدر تظهر للجمهور وجوجل تعتمد موقعك كموقع يقدم محتوى جيد نافع للقراء.
10: ممنوع منعاً باتاً تعمل إعادة صياغة في المقالات الخاصة بيك نهائياً عمرك ما هتربح جنية واحد من جوجل، جوجل والربوتات الخاصة بيها بتكتشف المحتوى المعاد صياغتة بسهولة شديدة جداً وبتقدر تفرق بينه وبين الحصري طيب أزاي أكتب مقالات ؟ هديك طريقة كويسة شغال بيها من سنين كتير ( هات كتب قديمة وكتب حديثة -مقالات كتير عربي وأجنبي أقرأ الموضوع اللي عايز تتكلم عنة وأفهم العناصر المهمة بشكل مظبوط وبناء علية وأنت شغال في موقعك هتبدأ تكتب المقال الخاص بيك بعد مارتبنا العناوين الفرعية اللي هنشتغل عليها وتبداء تكتب المحتوي الخاص بيها بطريقتك الخاصة بترتيبك الخاص مخالف تماماً للمواقع الأخري بالأخص المواقع الكبيرة والقديمة وتكمل مقالك للنهاية بأسلوبك الخاص وبشكل منظم ومرتب وبكدة أضمن ليك التصدر بإذن الله.
11: الصور الموجودة في جوجل أبتعد عنها في عشرات المواقع اللي بتوفرلك صور بدون حقوق ملكية ولكن يجب عليك أيضًا التغيير فيها كتابة أسم موقعك وضع لوجو موقعك أي شئ يجعلك تقوم بتغيير الصورة لربما قام أحد غيرك بأستخدامها.
12: أختار قالب سريع وبسيط ويفضل يكون مدفوع ( لابأس من العمل على قالب مجاني ).
13: يفضل العمل على دومين مدفوع .com ( لابأس من العمل علي دومين بلوجر المجاني ).
14: تابع تحليل موقعك دائماً بأستمرار وتحليل مشاكل الموقع وحل الأخطاء الخاصة بك ومتابعة أخطاء السيو بشكل مستمر.
15: وضع أكواد الميتا تاج الخاصة بالسيو في موقعك بشكل صحيح أسفل وسم الهيد في صفحة ال HTML .
16: ضرورة أنشاء صفحات ( سياسية الخصوصية – اتفاقية الاستخدام – من نحن – إتصل بنا ) ضروري جداً تكون جميع الصفحات تعمل بشكل صحيح دون أخطاء نهائيًا.
17: ربط موقعك بوسائل التواصل الأجتماعي مثل ( فيس بوك – يوتيوب – تويتر – لينكدن -بنترست – تمبلر – انسترجرام – تليجرام ) كل تلك الوسائل من شئنها رفع الدومين أثورتي الخاص بموقعك ومن خلالها يمكنك الحصول على زيارات شرعية 100% كما تعمل على زيادة ثقة محركات البحث بالموقع الخاص بك.
الخاتمة:
هذه الخطوات اذا قمت بتطبيقها ستساعدك في النجاح في التدوين، وتحقيق الربح والشهرة من خلال استغلال مهارة الكتابة لديك.
